საქართველოს საგზაო დეპარტამენტის პრესსამსახურის  ინფორმაციით, გუდაური - კობის მონაკვეთზე ამ დროისათვის ზვავსაშიშროება მოხსნილია. ავტოტრანსპორტის მოძრაობა ზვავდამცავი გვირაბების გავლით ხორციელდება.

ვრცელდება ინფორმაცია, რომ 15 იანვარს ადრეატიკის ზღვაში თურქული გემის "ედირნეს" ჩაძირვის შედეგად, ორი ქართველი დაიღუპა. ინციდენტი ქალაქ დურესის სანაპიროსთან მოხდა. ბორტზე აზერბაიჯანის, თურქეთის, უკრაინის და საქართველოს მოქალაქეები იმყოფებოდნენ.

ნიკა კვინტრაძის მეზობლებს ჟურნალისტების მიერ წარდგენილი ფოტოებიდან კვინტრაძის ამოცნობა უჭირთ. როგორც "ჯეონიუსის" კორესპოდენტი ადგილიდან იუწყება, გარდაცვლილის ახლობლების აზრი ორად გაიყო.

კომპანია 'არტმედია' მომხმარებელს ახალ სერვისს სთავაზობს, ამჯერად კომპანია სარეკლამო რგოლებს გადაიღებს. ცნობილია, რომ აღნიშნული კომპანია, აქამდე მხოლოდ ვებ გვარდებს ამზადებდა.

მოდულის შენობასთან საპროტესტო აქცია დასრულდა. აქციის მონაწილეებთან ერთად, სასულიერო პირებმა იქ მყოფ ხალხს მოუწოდა, რომ დღეს მსვლელობა მშვიდობიანად დასრულებულიყო. აქციის მონაწილეების თქმით, აქცია ხვალ, 15:00 საათზე უცვლელად, მოდულის შენობასთან გაგრძელდება.

ქართულ ტელეარხებზე ბოლო რამდენიმე დღეა ფიჭური კომპანია "მაგთიკომის" ახალი რგოლი ტრიალებს, სადაც საქართველოს ოკუპირებული ტერიტორიები რუსული ქსელის, "ბილაინის" ფერებითაა (შავი და ყვითელი) აღნიშნული.