საქართველოს წითელი ჯვრის საზოგადოება დღეს, 14.00 საათზე, საქველმოქმედო ღონისძიებას გამართავს. როგორც "ჯეონიუსს" წითელი ჯვრიდან აცნობეს, აქცია “ცხელი სადილი ბავშვებს!” რუსთავში შეზღუდული შესაძლებლობების მქონე პირთა მოვლისა და სწავლების ცენტრში (მისამართი: რუსთავი, მესხიშვილის მე-2 გასასვლელი #3) ჩატარდება.

ტერიტორიული მთლიანობის აღდგენის საკითხთა დროებითი კომისია დღეს აფხაზეთსა და ცხინვალის რეგიონში განხორციელებული ეთნიკური წმენდის მასალებზე იმსჯელებს.

ქართველი საოპერო მომღერლის პაატა ბურჭულაძის დედას, ნუნუ ბურჭულაძეს, დღეს დაკრძალავენ. გამოსვენება დღეს, 14.00 საათზე, საბურთალოს ამაღლების ეკლესიიდან მოხდება. ნუნუ ბურჭულაძე 8 იანვარს, 85 წლის ასაკში, ხანმოკლე ავადმყოფობის შედეგად გარდაიცვალა.

"ვაჩუქოთ ერთმანეთს სიხარული" ამ დევიზით სოციალურად დაუცველ ბავშთა აღსაზრდელებისთვის ღონისძიება მოწეყო, სადაც მოზარდებმა ხელნაკეთი ნივთები და საკუთარი ნახატები წარმოადგინეს.

ანჯაფარიძის ქუჩაზე გარდაცვლილი ჩვილის პოვნის ფაქტზე სისხლის სამართლის საქმე 112-ე მუხლით არის აღძრული, რაც დედის მიერ ჩვილის განსაცდელში მიტოვებას ითვალისიწინებს. ახალდაბადებული ბავშვის გვამი წუხელ ვერიკო ანჯაფარიძის ქუჩაზე, მშენებარე საცხოვრებელი კორპუსის მიმდებარე ტერიტორიაზე ნახეს.

პირველი არხი 55 წლისაა. საზოგადოებრივმა მაუწყებელმა იუბილე რესტორან "თუ საიდში" გრანდიოზულად აღნიშნა. საღამოს ტელევიზიის თანამშრომლები, ჟურნალისტები, წამყვანები, მოწვეული სტუმრები და ცნობილი მომღერლები ესწრებოდნენ.